يوميات سكير

من طرف basaief الإثنين يوليو 27, 2009 12:23 pm

الشعر الحلمنتيشى

حدثنــــــــــــــا الشيــــخ يانســــــــــون ابن كمــــون

وهــو شـــــاعر يـكتب الشــعر الحلمنتيشى المـوزون
ولــه فـى التبــــــكيت والتنـــــكيت حـكايــات وفـنــون
(يـوميـات سكــير)
محسوبكم العترة يوماتى فى الخمــارة
ماهو انا الواد الخط اللى ملبش الحارة

اه من الخمرة اه يانى
********
امشى فى الشارع اطوح واغنى بصــــــــوت عـالى انهج واعيد
والخمـــــر يــخلينى افتــكر انــى عبده الحامولى فى عمر مديد
ومعرفش منين القوة جاتنى ولقيت نفسى من حديد
وضربت واحد كان ماشى على قفــاه وكنت سـعيد
قام ادير ولطشلى ولا جمرك بورسعيد

اه من الخمرة اه يانى قلت من شانى ولعبت بدماغى
************

امشى فى الشارع يزفــــونى سكـــــران طينة
والعيال الصغيرين يحـدفونى ويعمـــلولى هليـلة
اروح فين امشى منين نسيت
مـش عـارف ازاى القى البيت
و ولاد الحلال دالونى
على البيت ووصلونى

ورجعت الشقة لقيت مراتى
احلوت عن الاول يا اخواتى
قلت اعمل مفاجأة واحضنها
ولما حضنتها لطمت ياخرااااااااااااااااااااابى
اتاريها مش مراتى مرات جارى

قلت يارب تطــــلع مـرات جـارى استاذ نزار
اصـل ده نظـره علـى اده وضـربه ذى الهزار
ولقيت ثور هاجم عليى , يانهار اسود وغبار
دى مرات جارى سـبع البرمبة عبـده الجزار
ولاد الإيه اللى وصلونى ضحكوا عليى وضلونى
ولقضايا ودونى وبعد العلقة زفونى
واه من الخمر اه يانى
************

و الى يوم جديد من يوميات سكير

[img] يوميات سكير 14vqnhx

[/img]

من طرف سوسن الإثنين يوليو 27, 2009 1:00 pm

دائما مبدع بساييف

وفى انتظار يوم جديد من يوميات سكير

يوميات سكير 016pft

من طرف basaief الإثنين يوليو 27, 2009 3:47 pm

لكم كل الشكر والود والأحترام

على مروركم الكريم

من طرف basaief الأحد أغسطس 02, 2009 2:16 pm

نشكركم على الزهرة الجميلة وعلى ذوقكم الرفيع
تحياتنا ( سوسن )

من طرف ramz الثلاثاء أغسطس 18, 2009 10:03 am

اتمنى لك المزيد من الابداع والتوفيق الدائم

اسعدتنا كلماتك

وفى انتظار اليوم التالى

يوميات سكير 37263

من طرف friend الجمعة أغسطس 21, 2009 11:17 am

الله ينور بصراحة كلمات جامدة

يااخى احنا فعلا محتاجين

الشعر الحلمنتيشى رجعتنا لايام زماااااااااااااان

فى انتظار ابداعاتك المتميزة

يوميات سكير 793850