انا واحد عايش فحياه لا ليها ريحه ولا لون ولا طعم ولا اى لزوم

انا واثق ان بكره احسن ومش هفضل دايمآ وحيد والحزن مش بيدوم
الحياه فيها حجات كتير وبتتغير بسرعه الصوت وكانك بتغير هدوم
وليك من الفرح نصيب مهما كان قليل لو حتى ليك من الفرح يوم
ولو عشت الحياه بساذجه ومقبلتش حياتك هتعشها مصدوم
وحلمك ولم سعتش وراه هتفرض احلام غيرك عليك وحلمك تحتهم مردوم
وهبلع وعدى مهما اتالم وهتحمل اللى صعب وهيجى بعده اللى مهضوم
و هقبل على نفسى اللى مقبلتوش وهكمل لو حتى دوايا مسموم
ولو عليا علامه اكس ما هو اخلاقى ومبادئ فزمنى بيهم انا موصوم
ولو جالى وقت جرح هتسحر فرح لانى عارف تانى يوم هصوم
ولو طلع على كتفى الجبن وتعبت هنفض غبار استسلامى واقوم
كلام الناس لو بالتمثيل همثل انه عجبنى وبان موهوم
انا من ناس كتير مش باينين زى اللحم فمفرمه ينزل مفروم
ومصيرنا مصير عادى نهايه واحده قدر معلوم وسبيل محتوم
وهفضل احاول لحد ما يوم يجى ويفتكرونى بالمرحوم
انا واحد عايش فحياه لا ليها ريحه ولا لون ولا طعم ولا اى لزوم