اصله مش بس حبيبك لا ده كمان ابوكى اخوكى وصاحبك

جربتى يامه وحاولتى تخبى عن الناس الحقيقه
تلبسى قناع عيوبك ودارى تحته الحنيه والطيبه
تبينى انك قاسيه وناسيه لكنك من جوا بريئه
تعملى نفسك واثقه و شجاعه وجدعه اوى وجريئه
وانتى جواكى خوفك بيزيد فكل دقيقه
وعشان ميبنش ضعفك بتحاولى بكل طريقه
واللى داير فدماغك انا ليه الناس ظلمونى
صدقوا الكدب بدال ما احكى يصدقونى
وكل اللى عايزينه انهم يتعبونى
ولو نزلت قصادهم ابقا خلصه فيكسبونى
وشايفه ان كل واحد بيبص بعينه لجسمك
ولا حد فكر مره يعرف ايه اللى فقلبك
ولو حبيتى وقالك مقلش كلام فقلبك
ولا عمره سكت مره وسالك ايه اللى عجبك
ولا وصل مره وفهم اللى بيدور فعقلك
شايفه نفسك ناقصك اللى يفهم نقطه ضعفك
كله جالك لعندك و تعبك ليقول بحبك
كل شايفك حبيبه ومحدش شايف نفسه صاحبك
وانتى مش محتاجه بحبك انتى محتاجه انا فهمك
مش محتاجه لحد معاكى محتاجه لحد يعندك
يضغط على كل عيوبك ويسرق قناعك منك
وده صعب يكون فحبيبك لانه عايز يمتلكك
لكن اكيد تلاقيه فرجال لو فهمك وبقا صاحبك
اكتر ما تحتاجيه حد لو يسكت مره واحده بس ويسمعلك
وساعاتها لو فعلآ فهمك يكون امير احلامك وينفذ كل مطالبك
اصله مش بس حبيبك لا ده كمان ابوكى اخوكى وصاحبك