صباحك جى وقلبك حى مهما كان كم دموعك

[img][/img]
صباحك جى وقلبك حى مهما كان كم دموعك
يمكن يبان بينك وبين نفسك قدام مرايتك خضوعك
واللى جواكى طفله شقيه مستنى رجوعك
واللى جرحوكى وكانوا من غير ضمير
وسابوا علامه على قلبك بخط كبير
ومخدوش منك غير احترام وحب وتقدير
وسابوا مكانهم هم وهم كتير
و بعد تعبك لخدمتهم تهمتك هى التقصير
انا عايش وشايف وبكره شايلك فيه خير
صباحك جى وفعينك ضى واصرارك هيحميكى
وبسمه فعين مليها طموح فعز كسرتك تقويكى
اديهم تهدم اللى بنتيه وايدك هى تبنيكى
واكيد فمحطه فقطر حياه فواحد يستاهل مستنيكى
ومتقنطيش من رحمه الله ولا النعمه اللى فيكى
بنوته حلوه من جوا ومن برا تربيتك باينه عليكى
صباحك جى فعريس عاقل لكن مجنون ليكى
ملوش فى الحلو ولا يحبه لكن شيكولاته يهديكى
وورده فى ايده لو تتقابلوا ولما يشوفك تبقا فى اديكى
وده انا شايفه نهايه اكيده طول ما قلبك مقويكى
والحلم متبطليش تحلميه لو صحتك مخده مبلوله بدموع عنيكى